श्री गोपाल चालीसा (Shree Gopal Chalisa)
श्री गोपाल चालीसा हिंदी
(Shree Gopal Chalisa Lyrics in Hindi)
॥ दोहा ॥
श्री राधापद कमल रज।
सिर धरि यमुना कूल।।
वरणो चालीसा सरस।
सकल सुमंगल मूल।।
॥ चौपाई ॥
जय जय पूरण ब्रह्म बिहारी।
दुष्ट दलन लीला अवतारी।।1।।
जो कोई तुम्हरी लीला गावै।
बिन श्रम सकल पदारथ पावै।।
श्री वसुदेव देवकी माता।
प्रकट भये संग हलधर भ्राता।।
मथुरा सों प्रभु गोकुल आये।
नन्द भवन में बजत बधाये।।4।।
जो विष देन पूतना आई।
सो मुक्ति दै धाम पठाई।।
तृणावर्त राक्षस संहार्यौ।
पग बढ़ाय सकटासुर मार्यौ।।
खेल खेल में माटी खाई।
मुख में सब जग दियो दिखाई।।
गोपिन घर घर माखन खायो।
जसुमति बाल केलि सुख पायो।।8।।
ऊखल सों निज अंग बँधाई।
यमलार्जुन जड़ योनि छुड़ाई।।
बका असुर की चोंच विदारी।
विकट अघासुर दियो सँहारी।।
ब्रह्मा बालक वत्स चुराये।
मोहन को मोहन हित आये।।
बाल वत्स सब बने मुरारी।
ब्रह्मा विनय करी तब भारी।।12।।
काली नाग नाथि भगवाना।
दावानल को कीन्हों पाना।।
सखन संग खेलत सुख पायो।
श्रीदामा निज कन्ध चढ़ायो।।
चीर हरन करि सीख सिखाई।
नख पर गिरवर लियो उठाई।।
दरश यज्ञ पत्निन को दीन्हों।
राधा प्रेम सुधा सुख लीन्हों।।16।।
नन्दहिं वरुण लोक सों लाये।
ग्वालन को निज लोक दिखाये।।
शरद चन्द्र लखि वेणु बजाई।
अति सुख दीन्हों रास रचाई।।
अजगर सों पितु चरण छुड़ायो।
शंखचूड़ को मूड़ गिरायो।।
हने अरिष्टा सुर अरु केशी।
व्योमासुर मार्यो छल वेषी।।20।।
व्याकुल ब्रज तजि मथुरा आये।
मारि कंस यदुवंश बसाये।।
मात पिता की बन्दि छुड़ाई।
सान्दीपनि गृह विद्या पाई।।
पुनि पठयौ ब्रज ऊधौ ज्ञानी।
प्रेम देखि सुधि सकल भुलानी।।
कीन्हीं कुबरी सुन्दर नारी।
हरि लाये रुक्मिणि सुकुमारी।।24।।
भौमासुर हनि भक्त छुड़ाये।
सुरन जीति सुरतरु महि लाये।।
दन्तवक्र शिशुपाल संहारे।
खग मृग नृग अरु बधिक उधारे।।
दीन सुदामा धनपति कीन्हों।
पारथ रथ सारथि यश लीन्हों।।
गीता ज्ञान सिखावन हारे।
अर्जुन मोह मिटावन हारे।।28।।
केला भक्त बिदुर घर पायो।
युद्ध महाभारत रचवायो।।
द्रुपद सुता को चीर बढ़ायो।
गर्भ परीक्षित जरत बचायो।।
कच्छ मच्छ वाराह अहीशा।
बावन कल्की बुद्धि मुनीशा।।
ह्वै नृसिंह प्रह्लाद उबार्यो।
राम रुप धरि रावण मार्यो।।32।।
जय मधु कैटभ दैत्य हनैया।
अम्बरीय प्रिय चक्र धरैया।।
ब्याध अजामिल दीन्हें तारी।
शबरी अरु गणिका सी नारी।।
गरुड़ासन गज फन्द निकन्दन।
देहु दरश ध्रुव नयनानन्दन।।
देहु शुद्ध सन्तन कर सङ्गा।
बाढ़ै प्रेम भक्ति रस रङ्गा।।36।।
देहु दिव्य वृन्दावन बासा।
छूटै मृग तृष्णा जग आशा।।
तुम्हरो ध्यान धरत शिव नारद।
शुक सनकादिक ब्रह्म विशारद।।
जय जय राधारमण कृपाला।
हरण सकल संकट भ्रम जाला।।
बिनसैं बिघन रोग दुःख भारी।
जो सुमरैं जगपति गिरधारी।।40।।
जो सत बार पढ़ै चालीसा।
देहि सकल बाँछित फल शीशा।।
॥ छन्द ॥
गोपाल चालीसा पढ़ै नित।
नेम सों चित्त लावई।।
सो दिव्य तन धरि अन्त महँ।
गोलोक धाम सिधावई।।
संसार सुख सम्पत्ति सकल।
जो भक्तजन सन महँ चहैं।।
'जयरामदेव' सदैव सो।
गुरुदेव दाया सों लहैं।।
॥ दोहा ॥
प्रणत पाल अशरण शरण।
करुणा-सिन्धु ब्रजेश।।
चालीसा के संग मोहि।
अपनावहु प्राणेश।।
श्री गोपाल चालीसा इंग्लिश
(Shree Gopal Chalisa Lyrics in English)
॥ Doha ॥
Shree radhapad kamal raj,
Sir dhari yamuna kool.
Varano chalisa saras,
Sakal sumangal mool.
॥ Chaupai ॥
Jai jai pooran brahm bihari,
Dusht dalan leela avtari. ।।1।।
Jo koi tumhri leela gavai,
Bin shram sakal padarth pavai.
Shree vasudev devki mata,
Prakat bhaye sang haldhar bhrata.
Mathura son prabhu gokul aaye,
Nand bhavan mein bajat badhaye. ।।4।।
Jo vish den pootna aai,
So mukti dai dham pathai.
Trinavart rakshas sanharyau,
Pag badhay saktasur maryau.
Khel khel mein mati khai,
Mukh mein sab jag diyo dikhai.
Gopin ghar ghar makhan khayo,
Jasumati baal keli sukh payo. ।।8।।
Ookhal son nij ang bandhai,
Yamalarjun jad yoni chhudai.
Baka asur ki chonch vidari,
Vikat aghasur diyo sanhari.
Brahma baalak vats churaye,
Mohan ko mohan hit aaye.
Baal vats sab bane murari,
Brahma vinay kari tab bhari. ।।12।।
Kaali naag nathi bhagvana,
Davanal ko keenhon pana.
Sakhan sang khelat sukh payo,
Shreedama nij kandh chhadayo.
Cheer haran kari seekh sikhai,
Nakh par girvar liyo uthai.
Darash yagya patnin ko deenhon,
Radha prem sudha sukh leenhon. ।।16।।
Nandahin varun lok son laye,
Gvalan ko nij lok dikhaye.
Sharad chandra lakhi venu bajai,
Ati sukh deenhon raas rachai.
Ajgar son pitu charan chhudayo,
Shankhchood ko mood girayo.
Hane arishta sur aru keshi,
Vyomasur maryo chhal veshi. ।।20।।
Vyakul braj taji mathura aaye,
Mari kans yaduvansh basaye.
Maat pita ki bandi chhudai,
Sandipani grih vidya pai.
Puni pathyau braj oudho gyani,
Prem dekhi sudhi sakal bhulani.
Keenheen kubri sundar nari,
Hari laye rukmini sukumari. ।।24।।
Bhaumasur hani bhakt chhudaye,
Suran jeeti surtaru mahi laye.
Dantvakra shishupal sanhare,
Khag mrig nrig aru badhik udhare.
Deen sudama dhanpati keenhon,
Parath rath sarathi yash leenhon.
Gita gyan sikhavan hare,
Arjun moh mitavan hare. ।।28।।
Kela bhakt bidur ghar payo,
Yuddh mahabharat rachvayo.
Drupad suta ko cheer badhayo,
Garbh parikshit jarat bachayo.
Kachh machh varah aheesha,
Bavan kalki buddhi muneesha.
Hvai nrisinh prahlad ubaryo,
Ram rup dhari ravan maryo. ।।32।।
Jai madhu kaitabh daitya hanaiya,
Ambariya priya chakra dharaiya.
Byadh ajamil deenhein tari,
Shabari aru ganika si nari.
Garudasan gaj phand nikandan,
Dehu darash dhruv nayananandan.
Dehu shuddh santan kar sanga,
Badhai prem bhakti ras ranga. ।।36।।
Dehu divya vrindavan basa,
Chhootai mrig trishna jag aasha.
Tumhro dhyan dharat shiv narad,
Shuk sankadik brahm visharad.
Jai jai radharaman kripala,
Haran sakal sankat bhram jaala.
Binsain bighan rog duhkh bhari,
Jo sumarain jagpati girdhari. ।।40।।
Jo sat baar padhai chalisa,
Dehi sakal banchhit phal sheesha.
॥ Chhand ॥
Gopal chalisa padhai nit,
Nem son chitt lavai.
So divya tan dhari ant mahan,
Golok dham sidhavai.
Sansar sukh sampatti sakal,
Jo bhaktajan san mahan chahain.
'Jayramdev' sadaiv so,
Gurudev daya son lahain.
॥ Doha ॥
Pranat paal asharan sharan,
Karuna-sindhu brajesh.
Chalisa ke sang mohi,
Apnavahu pranesh.
॥ समाप्त ॥
इन्हें भी पढ़े
Our Newsletter
Copyright © 2026 Bhakt Vatsal Media Pvt. Ltd. All Right Reserved.
