श्री हनुमान चालीसा (Shree Hanuman Chalisa)
श्री हनुमान चालीसा हिंदी
(Shree Hanuman Chalisa Lyrics in Hindi)
॥ दोहा ॥
श्री गुरु चरन सरोज रज।
निज मनु मुकुर सुधारि।।
बरनउं रघुबर विमल जसु।
जो दायकु फल चारि।।
बुद्धिहीन तनु जानिकै।
सुमिरौं पवन-कुमार।।
बल बुद्धि विद्या देहु मोहिं।
हरहु कलेश विकार।।
॥ चौपाई ॥
जय हनुमान ज्ञान गुण सागर।
जय कपीस तिहुँ लोक उजागर।।1।।
राम दूत अतुलित बल धामा।
अंजनि-पुत्र पवनसुत नामा।।
महावीर विक्रम बजरंगी।
कुमति निवार सुमति के संगी।।
कंचन बरन बिराज सुवेसा।
कानन कुण्डल कुंचित केसा।।4।।
हाथ वज्र औ ध्वजा बिराजै।
काँधे मूँज जनेऊ साजै।।
शंकर सुवन केसरीनन्दन।
तेज प्रताप महा जग वन्दन।।
विद्यावान गुणी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।8।।
सूक्ष्म रुप धरि सियहिं दिखावा।
विकट रुप धरि लंक जरावा।।
भीम रुप धरि असुर संहारे।
रामचन्द्र के काज संवारे।।
लाय सजीवन लखन जियाये।
श्रीरघुवीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।12।।
सहस बदन तुम्हरो यश गावैं।
अस कहि श्री पति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिकपाल जहां ते।
कवि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।16।।
तुम्हरो मन्त्र विभीषन माना।
लंकेश्वर भये सब जग जाना।।
जुग सहस्र योजन पर भानू।
लील्यो ताहि मधुर फ़ल जानू।।
प्रभु मुद्रिका मेलि मुख माहीं।
जलधि लांघि गए अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।20।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डरना।।
आपन तेज सम्हारो आपै।
तीनों लोक हांक तें कांपै।।
भूत पिशाच निकट नहिं आवै।
महावीर जब नाम सुनावै।।24।।
नासै रोग हरै सब पीरा।
जपत निरंतर हनुमत बीरा।।
संकट ते हनुमान छुड़ावै।
मन क्रम वचन ध्यान जो लावै।।
सब पर राम तपस्वी राजा।
तिन के काज सकल तुम साजा।।
और मनोरथ जो कोई लावै।
सोइ अमित जीवन फ़ल पावै।।28।।
चारों जुग परताप तुम्हारा।
है परसिद्ध जगत उजियारा।।
साधु सन्त के तुम रखवारे।
असुर निकन्दन राम दुलारे।।
अष्ट सिद्धि नवनिधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।32।।
तुम्हरे भजन राम को पावै।
जनम जनम के दुख बिसरावै।।
अन्तकाल रघुबर पुर जाई।
जहाँ जन्म हरि-भक्त कहाई।।
और देवता चित्त न धरई।
हनुमत सेई सर्व सुख करई।।
संकट कटै मिटै सब पीरा।
जो सुमिरै हनुमत बलबीरा।।36।।
जय जय जय हनुमान गोसाई।
कृपा करहु गुरुदेव की नाई।।
जो शत बार पाठ कर कोई।
छूटहिं बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय महँ डेरा।।40।।
॥ दोहा ॥
पवनतनय संकट हरन।
मंगल मूरति रुप।।
राम लखन सीता सहित।
हृदय बसहु सुर भूप।।
श्री हनुमान चालीसा इंग्लिश
(Shree Hanuman Chalisa lyrics in English)
॥ Doha ॥
Shree guru charan saroj raj,
Nij manu mukur sudhari.
Baranu raghubar vimal jasu,
Jo dayaku phal chari.
Buddhi heen tanu janikai,
Sumiraun pavan-kumar.
Bal buddhi vidya dehu mohin,
Harahu kalesh vikar.
॥ Chaupai ॥
Jai hanuman gyan gun sagar,
Jai kapees tihun lok ujagar. ।।1।।
Ram doot atulit bal dhama,
Anjani-putra pavan sut nama.
Mahaveer vikram bajarangi,
Kumati nivar sumati ke sangi.
Kanchan baran biraj suvesa,
Kanan kundal kunchit kesa. ।।4।।
Haath vajra au dhvaja birajai,
Kandhe moonj janeu saajai.
Shankar suvan kesarinandan,
Tej pratap maha jag vandan.
Vidyavan guni ati chatur,
Ram kaaj karive ko aatur.
Prabhu charitra sunibe ko rasiya,
Ram lakhan sita man basiya. ।।8।।
Sukshma roop dhari siyahin dikhava,
Vikat roop dhari lank jarava.
Bheem roop dhari asur sanhare,
Ramchandra ke kaaj sanvare.
Lay sajeevan lakhan jiyaye,
Shreeraghuveer harishi ur laye.
Raghupati keenhi bahut badai,
Tum mam priya bharatahi sam bhai. ।।12।।
Sahas badan tumharo yash gavain,
As kahi shree pati kanth lagavain.
Sankadik brahmadik muneesa,
Narad sarad sahit aheesa.
Jam kuber dikpal jahan te,
Kavi kobid kahi sake kahan te.
Tum upkar sugreevahin keenha,
Ram milay raj pad deenha. ।।16।।
Tumharo mantra vibheeshan mana,
Lankeshwar bhaye sab jag jana.
Jug sahasra yojan par bhanoo,
Leelyo tahi madhur phal janoo.
Prabhu mudrika meli mukh maahin,
Jaladhi langhi gaye acharaj naahin.
Durgam kaaj jag ke jete,
Sugam anugrah tumhre tete. ।।20।।
Ram duare tum rakhvare,
Hot na agya binu paisare.
Sab sukh lahai tumhari sarna,
Tum rakshak kahu ko darna.
Aapan tej samharo aapai,
Teenon lok haank ten kaanpai.
Bhoot pishach nikat nahin aavai,
Mahaveer jab naam sunavai. ।।24।।
Nasai rog harai sab peera,
Japat nirantar hanumat beera.
Sankat te hanuman chhudavai,
Man kram vachan dhyan jo lavai.
Sab par ram tapasvi raja,
Tin ke kaaj sakal tum saaja.
Aur manorath jo koi lavai,
Soi amit jeevan phal paavai. ।।28।।
Charon jug pratap tumhara,
Hai parasiddh jagat ujiyara.
Sadhu sant ke tum rakhvare,
Asur nikandan ram dulare.
Asht siddhi navanidhi ke data,
As bar deen janaki mata.
Ram rasayan tumhre pasa,
Sada raho raghupati ke dasa. ।।32।।
Tumhre bhajan ram ko paavai,
Janam janam ke dukh bisravai.
Antakal raghubar pur jai,
Jahan janm hari-bhakt kahai.
Aur devta chitt na dharai,
Hanumat sei sarva sukh karai.
Sankat katai mitai sab peera,
Jo sumirai hanumat balbeera. ।।36।।
Jai jai jai hanuman gosai,
Kripa karahu gurudev ki nai.
Jo shat baar paath kar koi,
Chhootahin bandi maha sukh hoi.
Jo yeh padhai hanuman chalisa,
Hoy siddhi sakhi gaurisa.
Tulsidas sada hari chera,
Keejai nath hriday mahan dera. ।।40।।
॥ Doha ॥
Pavantanay sankat haran,
Mangal moorti roop.
Ram lakhan sita sahit,
Hriday basahu sur bhoop.
॥ समाप्त ॥
इन्हें भी पढ़े
Our Newsletter
Copyright © 2026 Bhakt Vatsal Media Pvt. Ltd. All Right Reserved.
