श्री राधा चालीसा (Shree Radha Chalisa)
श्री राधा चालीसा हिंदी
(Shree Radha Chalisa Lyrics in Hindi)
॥ दोहा ॥
श्री राधे वृषभानुजा।
भक्तनि प्राणाधार।।
वृन्दाविपिन विहारिणि।
प्रणवौं बारंबार।।
जैसौ तैसौ रावरौ।
कृष्ण प्रिया सुखधाम।।
चरण शरण निज दीजिये।
सुन्दर सुखद ललाम।।
॥ चौपाई ॥
जय वृषभानु कुँवरि श्री श्यामा।
कीरति नंदिनी शोभा धामा।।1।।
नित्य विहारिनि श्याम अधारा।
अमित मोद मंगल दातारा।।
रास विलासिनि रस विस्तारिनि।
सहचरि सुभग यूथ मन भावनि।।
नित्य किशोरी राधा गोरी।
श्याम प्राणधन अति जिय भोरी।।4।।
करुणा सागर हिय उमंगिनी।
ललितादिक सखियन की संगिनी।।
दिन कर कन्या कूल विहारिनि।
कृष्ण प्राण प्रिय हिय हुलसावनि।।
नित्य श्याम तुमरौ गुण गावैं।
राधा राधा कहि हरषावैं।।
मुरली में नित नाम उचारें।
तुव कारण लीला वपु धारें।।8।।
प्रेम स्वरूपिणि अति सुकुमारी।
श्याम प्रिया वृषभानु दुलारी।।
नवल किशोरी अति छवि धामा।
द्युति लघु लगै कोटि रति कामा।।
गौरांगी शशि निंदक बदना।
सुभग चपल अनियारे नयना।।
जावक युत युग पंकज चरना।
नूपुर धुनि प्रीतम मन हरना।।12।।
संतत सहचरि सेवा करहीं।
महा मोद मंगल मन भरहीं।।
रसिकन जीवन प्राण अधारा।
राधा नाम सकल सुख सारा।।
अगम अगोचर नित्य स्वरूपा।
ध्यान धरत निशिदिन ब्रज भूपा।।
उपजेउ जासु अंश गुण खानी।
कोटिन उमा रमा ब्रह्मानी।।16।।
नित्य धाम गोलोक विहारिनि।
जन रक्षक दुख दोष नसावनि।।
शिव अज मुनि सनकादिक नारद।
पार न पाँइ शेष अरु शारद।।
राधा शुभ गुण रूप उजारी।
निरखि प्रसन्न होत बनबारी।।
ब्रज जीवन धन राधा रानी।
महिमा अमित न जाय बखानी।।20।।
प्रीतम संग देइ गलबाँही।
बिहरत नित वृन्दावन माँही।।
राधा कृष्ण कृष्ण कहैं राधा।
एक रूप दोउ प्रीति अगाधा।।
श्री राधा मोहन मन हरनी।
जन सुख दायक प्रफुलित बदनी।।
कोटिक रूप धरें नंद नंदा।
दर्श करन हित गोकुल चन्दा।।24।।
रास केलि करि तुम्हें रिझावें।
मान करौ जब अति दुःख पावें।।
प्रफुलित होत दर्श जब पावें।
विविध भांति नित विनय सुनावें।।
वृन्दारण्य विहारिनि श्यामा।
नाम लेत पूरण सब कामा।।
कोटिन यज्ञ तपस्या करहू।
विविध नेम व्रत हिय में धरहू।।28।।
तऊ न श्याम भक्तहिं अपनावें।
जब लगि राधा नाम न गावें।।
वृन्दाविपिन स्वामिनी राधा।
लीला वपु तब अमित अगाधा।।
स्वयं कृष्ण पावैं नहिं पारा।
और तुम्हें को जानन हारा।।
श्री राधा रस प्रीति अभेदा।
सादर गान करत नित वेदा।।32।।
राधा त्यागि कृष्ण को भजिहैं।
ते सपनेहु जग जलधि न तरि हैं।।
कीरति कुँवरि लाड़िली राधा।
सुमिरत सकल मिटहिं भवबाधा।।
नाम अमंगल मूल नसावन।
त्रिविध ताप हर हरि मनभावन।।
राधा नाम लेइ जो कोई।
सहजहि दामोदर बस होई।।36।।
राधा नाम परम सुखदाई।
भजतहिं कृपा करहिं यदुराई।।
यशुमति नन्दन पीछे फिरिहैं।
जो कोऊ राधा नाम सुमिरिहैं।।
रास विहारिनि श्यामा प्यारी।
करहु कृपा बरसाने वारी।।
वृन्दावन है शरण तिहारी।
जय जय जय वृषभानु दुलारी।।40।।
॥ दोहा ॥
श्रीराधा सर्वेश्वरी।
रसिकेश्वर घनश्याम।।
करहुँ निरंतर बास मैं।
श्रीवृन्दावन धाम।।
श्री राधा चालीसा इंग्लिश
(Shree Radha Chalisa Lyrics in English)
॥ Doha ॥
Shree radhe vrishbhanuja,
Bhaktani pranadhar.
Vrindavipin viharini,
Pranavaun barambar.
Jaisau taisau ravarau,
Krishna priya sukhdham.
Charan sharan nij dijiye,
Sundar sukhad lalam.
॥ Chaupai ॥
Jai vrishbhanu kunvari shree shyama,
Keerati nandini shobha dhama. ।।1।।
Nitya viharini shyam adhara,
Amit mod mangal datara.
Raas vilasini ras vistarini,
Sahachari subhag yuth man bhavani.
Nitya kishori radha gori,
Shyam pran dhan ati jiy bhori. ।।4।।
Karuna sagar hiy umangini,
Lalitadik sakhiyan ki sangini.
Din kar kanya kul viharini,
Krishna pran priya hiy hulsavani.
Nitya shyam tumharo gun gavain,
Radha radha kahi harshavain.
Murli mein nit naam ucharen,
Tuv karan leela vapu dharen. ।।8।।
Prem swarupini ati sukumari,
Shyam priya vrishbhanu dulari.
Naval kishori ati chavi dhama,
Dyuti laghu lagai koti rati kama.
Gaurangi shashi nindak badna,
Subhag chapal aniyare nayana.
Javak yut yug pankaj charna,
Noopur dhuni pritam man harna. ।।12।।
Santat sahachari seva karahin,
Maha mod mangal man bharahin.
Rasikan jeevan pran adhara,
Radha naam sakal sukh sara.
Agam agochar nitya swarupa,
Dhyan dharat nishidin braj bhoopa.
Upajeu jasu ansh gun khani,
Kotin uma rama brahmani. ।।16।।
Nitya dham golok viharini,
Jan rakshak dukh dosh nasavani.
Shiv aj muni sankadik narad,
Paar na payen shesh aru sharad.
Radha shubh gun roop ujari,
Nirakhi prasann hot banbari.
Braj jeevan dhan radha rani,
Mahima amit na jay bakhani. ।।20।।
Pritam sang dei galbanhi,
Biharat nit vrindavan manhi.
Radha krishna krishna kahain radha,
Ek roop dou preeti agadha.
Shree radha mohan man harni,
Jan sukh dayak praphulit badni.
Kotik roop dharen nand nanda,
Darsh karan hit gokul chanda. ।।24।।
Raas keli kari tumhein rijhaven,
Maan karau jab ati dukh paven.
Praphulit hot darsh jab paven,
Vividh bhanti nit vinay sunaven.
Vrindaranya viharini shyama,
Naam let pooran sab kama.
Kotin yagya tapasya karahu,
Vividh nem vrat hiy mein dharahu. ।।28।।
Tau na shyam bhaktahin apnaven,
Jab lagi radha naam na gaven.
Vrindavipin swamini radha,
Leela vapu tab amit agadha.
Swayam krishna pavain nahin para,
Aur tumhein ko janan hara.
Shree radha ras preeti abheda,
Sadar gaan karat nit veda. ।।32।।
Radha tyagi krishna ko bhajihain,
Te sapnehu jag jaladhi na tari hain.
Keerati kunvari ladili radha,
Sumirat sakal mitahin bhavbadha.
Naam amangal mool nasavan,
Trividh taap har hari manbhavan.
Radha naam lei jo koi,
Sahajahi damodar bas hoi. ।।36।।
Radha naam param sukhdai,
Bhajatahin kripa karahin yadurai.
Yashumati nandan peechhe phirihain,
Jo koou radha naam sumirihain.
Raas viharini shyama pyari,
Karahu kripa barsane vari.
Vrindavan hai sharan tihari,
Jai jai jai vrishbhanu dulari. ।।40।।
॥ Doha ॥
Shree radha sarveshvari,
Rasikeshvar ghanshyam.
Karahun nirantar baas main,
Shree vrindavan dham.
॥ समाप्त ॥
इन्हें भी पढ़े
Our Newsletter
Copyright © 2026 Bhakt Vatsal Media Pvt. Ltd. All Right Reserved.
