भजमन राम चरण सुखदाई (Bhajman Ram Charan Sukhdayi)

भजमन राम चरण सुखदाई,

भजमन राम चरण सुखदाई ॥

जिहि चरननसे निकसी सुरसरि

संकर जटा समाई ।

जटासंकरी नाम परयो है

त्रिभुवन तारन आई ॥

भजमन राम चरण सुखदाई,

भजमन राम चरण सुखदाई ॥

जिन चरननकी चरनपादुका

भरत रह्यो लव लाई ।

सोइ चरन केवट धोइ लीने

तब हरि नाव चलाई/चढ़ाई ॥

भजमन राम चरण सुखदाई,

भजमन राम चरण सुखदाई ॥

सोइ चरन संत जन सेवत

सदा रहत सुखदाई ।

सोइ चरन गौतमऋषि-नारी

परसि परमपद पाई ॥

भजमन राम चरण सुखदाई,

भजमन राम चरण सुखदाई ॥

दंडकबन प्रभु पावन कीन्हो

ऋषियन त्रास मिटाई ।

सोई प्रभु त्रिलोकके स्वामी

कनक मृगा सँग धाई ॥

भजमन राम चरण सुखदाई,

भजमन राम चरण सुखदाई ॥

कपि सुग्रीव बंधु भय-ब्याकुल

तिन जय छत्र फिराई/धराई ।

रिपु को अनुज बिभीषन निसिचर

परसत लंका पाई ॥

भजमन राम चरण सुखदाई,

भजमन राम चरण सुखदाई ॥

सिव सनकादिक अरु ब्रह्मादिक

सेष सहस मुख गाई ।

तुलसीदास मारुत-सुतकी प्रभु

निज मुख करत बड़ाई ॥

भजमन राम चरण सुखदाई,

भजमन राम चरण सुखदाई ॥

Bhajman Ram Charan Sukhdayi Bhajan In English

Bhajman Ram Charan Sukhdayi, Bhajman Ram Charan Sukhdayi ॥

Jihi Charananse Nikasi Sursari Sankar Jata Samai ।

Jatasankari Naam Parayo Hai, Tribhuvan Taran Aai ॥

॥ Bhajman Ram Charan Sukhdayi… ॥

Jin Charananki Charanpaduka Bharat Rahyo Lav Lai ।

Soi Charan Kevat Dhoi Leene Tab Hari Naav Chalai ॥

॥ Bhajman Ram Charan Sukhdayi… ॥

Soi Charan Sant Jan Sevat Sada Rahat Sukhdai ।

Soi Charan Gautamrishi-nari Parsi Parampad Pai ॥

॥ Bhajman Ram Charan Sukhdayi… ॥

Dandakaban Prabhu Pawan Keenho Rishiyan Traas Mitai ।

Soi Prabhu Trilokake Swami Kanak Mriga Sang Dhai ॥

॥ Bhajman Ram Charan Sukhdayi… ॥

Kapi Sugreev Bandhu Bhay-byakul Tin Jay Chhatr Phirai ।

Ripu Ko Anuj Bibhishan Nisichar Parsat Lanka Pai ॥

॥ Bhajman Ram Charan Sukhdayi… ॥

Siv Sanakadik Aru Brahmadik Sesh Sahas Mukh Gai ।

Tulsidaas Marut-sutaki Prabhu Nij Mukh Karat Badai ॥

॥ Bhajman Ram Charan Sukhdayi… ॥

Bhajman Ram Charan Sukhdayi, Bhajman Ram Charan Sukhdayi ॥