श्री गोवर्धन वासी सांवरे लाल (Shri Govardhan Wasi Sanwarey Lal)

श्री गोवर्धन वासी सांवरे लाल,

तुम बिन रह्यो न जाय हो ॥

बृजराज लडेतोलाडिले ॥

बंक चिते मुसकाय के लाल,

सुंदर वदन दिखाय ॥

लोचन तल पे मीन ज्यों लाल,

पलछिन कल्प बिहाय हो ॥१॥

श्री गोवर्धन वासी सांवरे लाल..

सप्त स्वर बंधान सों लाल,

मोहन वेणु बजाय ॥

सुरत सुहाइ बांधिके नेक,

मधुरे मधुर स्वर गाय हो ॥२॥

श्री गोवर्धन वासी सांवरे लाल..

रसिक रसीली बोलनी लाल,

गिरि चढि गैयां बुलाय ॥

गांग बुलाइ धूमरी नेंक,

ऊँची टेर सुनाय हो ॥३॥

श्री गोवर्धन वासी सांवरे लाल..

दृष्टि परी जा दिवसतें लाल,

तबते रुचे नहिं आन ॥

रजनी नींद न आवही मोहे,

बिसर्यो भोजन पान हो ॥४॥

दर्शन को यनुमा तपे लाल,

बचन सुनन को कान हो ।

मिलिवे को हीयरो तपे मेरे,

जिय के जीवन प्राण हों ॥५॥

श्री गोवर्धन वासी सांवरे लाल..

मन अभिलाषा ह्वे रही लाल,

लगत नयन निमेष ॥

एकटक देखूं आवतो प्यारो,

नागर नटवर भेष हों ॥६॥

श्री गोवर्धन वासी सांवरे लाल..

पूर्ण शशि मुख देख के लाल,

चित चोट्यो बाही ठोर ॥

रूप सुधारस पान के लाल,

सादर चंद्र चकोर हो ॥७॥

लोक लाज कुल वेद की लाल,

छांड्यो सकल विवेक ॥

कमल कली रवि ज्यों बढे लाल,

क्षणु क्षणु प्रीति विशेष हो ॥८॥

श्री गोवर्धन वासी सांवरे लाल..

मन्मथ कोटिक वारने लाल,

देखी डगमग चाल ॥

युवती जन मन फंदना लाल,

अंबुज नयन विशाल ॥९॥

श्री गोवर्धन वासी सांवरे लाल..

यह रट लागी लाडिले लाल,

जैसे चातक मोर ॥

प्रेम नीर वर्षाय के लाल,

नवघन नंदकिशोर हो ॥१०॥

श्री गोवर्धन वासी सांवरे लाल..

कुंज भवन क्रीडा करे लाल,

सुखनिधि मदन गोपाल ॥

हम श्री वृंदावन मालती लाल,

तुम भोगी भ्रमर भूपाल हो ॥११॥

श्री गोवर्धन वासी सांवरे लाल..

युग युग अविचल राखिये लाल,

यह सुख शैल निवास ॥

श्री गोवर्धनधर रूप पें,

बलजाय चतुर्भुज दास ॥१२॥

Shri Govardhan Wasi Sanwarey Lal Bhajan in English

Shri Govardhan Wasi Sanwary Lal,
Tum Bin Rahyo Na Jaay Ho ॥
Brjraaj Ladetoladile ॥

Bank Chite Muskaay Ke Lal,
Sundar Vadan Dikhay ॥
Lochan Tal Pe Meen Jyon Lal,
Palchhin Kalp Bihaay Ho ॥ 1 ॥

Shri Govardhan Wasi Sanwary Lal..

Sapt Swar Bandhan Son Lal,
Mohan Venu Bajay ॥
Surat Suhai Bandhike Nek,
Madhure Madhur Svar Gaay Ho ॥ 2 ॥

Shri Govardhan Wasi Sanwary Lal..

Rasik Rasili Bolni Lal,
Giri Chadhi Gaiyan Bulay ॥
Gang Bulai Dhumri Nenk,
Unchi Ter Sunay Ho ॥ 3 ॥

Shri Govardhan Wasi Sanwary Lal..

Drishti Pari Ja Divasaten Laal,
Tabte Ruche Nahin Aan ॥
Rajni Neend Na Aawahi Mohe,
Bisaryo Bhojan Paan Ho ॥ 4 ॥

Darshan Ko Yanuma Tape Lal,
Bachan Sunan Ko Kaan Ho ।
Milive Ko Hiyaro Tape Mere,
Jiy Ke Jeevan Pran Hon ॥ 5 ॥

Shri Govardhan Wasi Sanwary Lal..

Man Abhilasha Hve Rahi Lal,
Lagat Nayan Nimesh ॥
Ektak Dekhoon Aavto Pyaro,
Nagar Natvar Bhesh Hon ॥ 6 ॥

Shri Govardhan Wasi Sanwary Lal..

Poorn Shashi Mukh Dekh Ke Lal,
Chit Chotyo Bahi Thor ॥
Roop Sudharas Paan Ke Lal,
Sadar Chandr Chakor Ho ॥ 7 ॥

Lok Laaj Kul Ved Ki Lal,
Chhandyo Sakal Vivek ॥
Kamal Kali Ravi Jyon Badhe Lal,
Kshanu Kshanu Preeti Vishesh Ho ॥ 8 ॥

Shri Govardhan Wasi Sanwary Lal..

Manmath Kotik Varne Laal,
Dekhi Dagmag Chaal ॥
Yuvti Jan Man Phandna Lal,
Ambuj Nayan Vishal ॥ 9 ॥

Shri Govardhan Wasi Sanwary Lal..

Yah Rat Laagi Laadile Lal,
Jaise Chatak Mor ॥
Prem Neer Varshay Ke Lal,
Navghan Nandkishor Ho ॥ 10 ॥

Shri Govardhan Wasi Sanwary Lal..

Kunj Bhawan Kreeda Kare Lal,
Sukhnidhi Madan Gopal ॥
Ham Shri Vrindavan Malti Laal,
Tum Bhogi Bhramar Bhoopal Ho ॥ 11 ॥

Shri Govardhan Wasi Sanwary Lal..

Yug Yug Avichal Rakhiye Lal,
Yah Sukh Shail Niwas ॥
Shri Govardhandhar Roop Pen,
Baljaay Chaturbhuj Das ॥ 12 ॥