श्री गिरीराज चालीसा (Shree Giriraj Chalisa)
श्री गिरीराज चालीसा हिंदी
(Shree Giriraj Chalisa Lyrics in Hindi)
॥ दोहा ॥
बन्दहुँ वीणा वादिनी।
धरि गणपति को ध्यान।।
महाशक्ति राधा सहित।
कृष्ण करौ कल्याण।।
सुमिरन करि सब देवगण।
गुरु पितु बारम्बार।।
बरनौ श्री गिरिराज यश।
निज मति के अनुसार।।
॥ चौपाई ॥
जय हो जय बंदित गिरिराजा।
ब्रज मण्डल के श्री महाराजा।।1।।
विष्णु रूप तुम हो अवतारी।
सुन्दरता पै जग बलिहारी।।
स्वर्ण शिखर अति शोभा पामें।
सुर मुनि गण दरशन कूं आमें।।
शांत कन्दरा स्वर्ग समाना।
जहाँ तपस्वी धरते ध्याना।।4।।
द्रोणगिरि के तुम युवराजा।
भक्तन के साधौ हौ काजा।।
मुनि पुलस्त्य जी के मन भाये।
जोर विनय कर तुम कूँ लाये।।
मुनिवर संघ जब ब्रज में आये।
लखि ब्रजभूमि यहाँ ठहराये।।
विष्णु धाम गौलोक सुहावन।
यमुना गोवर्धन वृन्दावन।।8।।
देख देव मन में ललचाये।
बास करन बहु रूप बनाये।।
कोउ बानर कोउ मृग के रूपा।
कोउ वृक्ष कोउ लता स्वरूपा।।
आनन्द लें गोलोक धाम के।
परम उपासक रूप नाम के।।
द्वापर अंत भये अवतारी।
कृष्णचन्द्र आनन्द मुरारी।।12।।
महिमा तुम्हरी कृष्ण बखानी।
पूजा करिबे की मन ठानी।।
ब्रजवासी सब के लिये बुलाई।
गोवर्द्धन पूजा करवाई।।
पूजन कूँ व्यञ्जन बनवाये।
ब्रजवासी घर घर ते लाये।।
ग्वाल बाल मिलि पूजा कीनी।
सहस भुजा तुमने कर लीनी।।16।।
स्वयं प्रकट हो कृष्ण पूजा में।
माँग माँग के भोजन पामें।।
लखि नर नारि मन हरषामें।
जै जै जै गिरिवर गुण गामें।।
देवराज मन में रिसियाए।
नष्ट करन ब्रज मेघ बुलाए।।
छाँया कर ब्रज लियौ बचाई।
एकउ बूँद न नीचे आई।।20।।
सात दिवस भई बरसा भारी।
थके मेघ भारी जल धारी।।
कृष्णचन्द्र ने नख पै धारे।
नमो नमो ब्रज के रखवारे।।
करि अभिमान थके सुरसाई।
क्षमा माँग पुनि अस्तुति गाई।।
त्राहि माम् मैं शरण तिहारी।
क्षमा करो प्रभु चूक हमारी।।24।।
बार बार बिनती अति कीनी।
सात कोस परिकम्मा दीनी।।
संग सुरभि ऐरावत लाये।
हाथ जोड़ कर भेंट गहाये।।
अभय दान पा इन्द्र सिहाये।
करि प्रणाम निज लोक सिधाये।।
जो यह कथा सुनैं चित लावें।
अन्त समय सुरपति पद पावें।।28।।
गोवर्द्धन है नाम तिहारौ।
करते भक्तन कौ निस्तारौ।।
जो नर तुम्हरे दर्शन पावें।
तिनके दुःख दूर ह्वै जावें।।
कुण्डन में जो करें आचमन।
धन्य धन्य वह मानव जीवन।।
मानसी गंगा में जो न्हावें।
सीधे स्वर्ग लोक कूँ जावें।।32।।
दूध चढ़ा जो भोग लगावें।
आधि व्याधि तेहि पास न आवें।।
जल फल तुलसी पत्र चढ़ावें।
मन वांछित फल निश्चय पावें।।
जो नर देत दूध की धारा।
भरौ रहे ताकौ भण्डारा।।
करें जागरण जो नर कोई।
दुख दरिद्र भय ताहि न होई।।36।।
'श्याम' शिलामय निज जन त्राता।
भक्ति मुक्ति सरबस के दाता।।
पुत्र हीन जो तुम कूँ ध्यावें।
ताकूँ पुत्र प्राप्ति ह्वै जावें।।
दंडौती परिकम्मा करहीं।
ते सहजहि भवसागर तरहीं।।
कलि में तुम सम देव न दूजा।
सुर नर मुनि सब करते पूजा।।40।।
॥ दोहा ॥
जो यह चालीसा पढ़ै।
सुनै शुद्ध चित्त लाय।।
सत्य सत्य यह सत्य है।
गिरिवर करै सहाय।।
क्षमा करहुँ अपराध मम।
त्राहि माम् गिरिराज।।
श्याम बिहारी शरण में।
गोवर्द्धन महाराज।।
श्री गिरीराज चालीसा इंग्लिश
(Shree Giriraj Chalisa Lyrics in English)
॥ Doha ॥
Bandahun veena vadini,
Dhari ganapati ko dhyan.
Mahashakti radha sahit,
Krishna karau kalyan.
Sumiran kari sab devgan,
Guru pitu baarambaar.
Baranau shree giriraj yash,
Nij mati ke anusar.
॥ Chaupai ॥
Jai ho jai bandit giriraja,
Braj mandal ke shree maharaja. ।।1।।
Vishnu roop tum ho avatari,
Sundarta pai jag balihari.
Swarn shikhar ati shobha pamain,
Sur muni gan darashan koon amain.
Shant kandara swarg samana,
Jahan tapasvi dharte dhyana. ।।4।।
Dronagiri ke tum yuvaraja,
Bhaktan ke sadhau hau kaja.
Muni pulastya ji ke man bhaye,
Jor vinay kar tum koon laye.
Munivar sangh jab braj mein aaye,
Lakhi brajbhumi yahan thahraye.
Vishnu dham gaulok suhavan,
Yamuna govardhan vrindavan. ।।8।।
Dekh dev man mein lalchaye,
Baas karan bahu roop banaye.
Kou banar kou mrig ke rupa,
Kou vriksh kou lata swarupa.
Aanand len gaulok dham ke,
Param upasak roop naam ke.
Dwapar ant bhaye avatari,
Krishnachandra aanand murari. ।।12।।
Mahima tumhri krishna bakhani,
Pooja karibe ki man thani.
Brajvasi sab ke liye bulai,
Govarddhan pooja karvai.
Poojan koon vyanjan banvaye,
Brajvasi ghar ghar te laye.
Gwal baal mili pooja keeni,
Sahas bhuja tumne kar leeni. ।।16।।
Svayam prakat ho krishna pooja mein,
Maang maang ke bhojan pamain.
Lakhi nar nari man harshamain,
Jai jai jai girivar gun gamain.
Devraj man mein risiyaye,
Nasht karan braj megh bulaye.
Chhaanya kar braj liyau bachai,
Ekau boond na neeche aai. ।।20।।
Saat divas bhai barasa bhari,
Thake megh bhari jal dhari.
Krishnachandra ne nakh pai dhare,
Namo namo braj ke rakhvare.
Kari abhiman thake sursai,
Kshama maang puni astuti gai.
Trahi maam main sharan tihari,
Kshama karo prabhu chook hamari. ।।24।।
Baar baar binati ati keeni,
Saat kos parikamma deeni.
Sang surabhi airavat laye,
Haath jod kar bhent gahaye.
Abhay daan pa indra sihaye,
Kari pranam nij lok sidhaye.
Jo yeh katha sunain chit lavain,
Ant samay surpati pad pavain. ।।28।।
Govarddhan hai naam tiharau,
Karte bhaktan kau nistarau.
Jo nar tumhre darshan pavain,
Tinke duhkh door hvai javain.
Kundan mein jo karain aachaman,
Dhanya dhanya vah manav jeevan.
Manasi ganga mein jo nhavain,
Seedhe swarg lok koon javain. ।।32।।
Doodh chadha jo bhog lagavain,
Aadhi vyadhi tehi paas na avain.
Jal phal tulsi patra chadhavain,
Man vanchhit phal nishchay pavain.
Jo nar det doodh ki dhara,
Bharau rahe takau bhandara.
Karain jagaran jo nar koi,
Dukh daridra bhay tahi na hoi. ।।36।।
'Shyam' shilamay nij jan trata,
Bhakti mukti sarbas ke data.
Putra heen jo tum koon dhyavain,
Takoon putra prapti hvai javain.
Dandauti parikamma karahin,
Te sahajahi bhavsagar tarahin.
Kali mein tum sam dev na dooja,
Sur nar muni sab karte pooja. ।।40।।
॥ Doha ॥
Jo yeh chalisa padhai,
Sunai shuddh chitt lay.
Satya satya yeh satya hai,
Girivar karai sahay.
Kshama karahun aparadh mam,
Trahi maam giriraj.
Shyam bihari sharan mein,
Govarddhan maharaj.
॥ समाप्त ॥
इन्हें भी पढ़े
Our Newsletter
Copyright © 2026 Bhakt Vatsal Media Pvt. Ltd. All Right Reserved.
